સરકારી પ્રાથમિક શાળા સેક્ટર 16 ગાંધીનગર ખાતે 74 માં પ્રજાસત્તાક દિનની ધામધૂમથી ઉજવણી કરવામાં આવી...

ગુજરાત સરકારશ્રીની એક શ્રેષ્ઠ સંકલ્પના  અંતર્ગત દીકરીની સલામ દેશને નામ પહેલ મુજબ સેક્ટર.16માં  અભ્યાસ કરીને આગળ વધેલ  આ શાળાની ભૂતપૂર્વ વિદ્યાર્થીની ચિરંજીવી કાજલ મહેશભાઈ મોચી(હાલ રજિસ્ટ્રી  ક્લાર્ક GMC ગાંધીનગર)ના વરદ હસ્તે ધ્વજવંદન વિધિ કરવામાં આવી.મહેમાનોના હસ્તે મોમેન્ટો અને સન્માન પ્રમાણપત્ર  અર્પણ કરવામા આવ્યા હતા.સેક્ટર 16 ખાતે આ વર્ષમાં જન્મેલી દીકરીઓ અને તેમની માતાનું પણ મહેમાનોના હસ્તે પ્રમાણપત્ર આપી સન્માન કરાયું. શાળાના વિદ્યાર્થીઓએ  સાંસ્કૃતિક કાર્યક્રમો કરી સૌને મંત્રમુગ્ધ કર્યા હતા. આ કાર્યક્રમમાં શ્રી પ્રદિપસિંહ વાઘેલા  (એડવોકેટ / વિદ્યા લાયબ્રેરી),લાયોનીસ ક્લબ ગાંધીનગરના પ્રમુખશ્રી પ્રીતિબેન અને સભ્યો,વિજયસિંહ માજીરાણા (યુવા સામાજિક કાર્યકર) ,શ્રી જયેન્દ્રભાઈ વ્યાપારી મંડળ સેક્ટર 16 ગાંધીનગર ,શ્રી અનિલભાઈ મૂલિયાણા (પીએસઆઇ સેક્ટર 6 પોલીસ સ્ટેશન ),એસએમસીના અધ્યક્ષ શ્રી રજનીબેન અને સભ્યો, શ્રી વિશાલભાઈ,વાલીગણ, વિદ્યાર્થીઓ ઉપસ્થિત રહી કાર્યક્રમને સફળ બનાવ્યો હતો.સમગ્ર કાર્યક્રમનું સંચાલન નયનાબેન બ્રહ્મભટ્ટ અને સ્મિતાબેન પ્રજાપતિ એ કર્યું.      શાળાના શિક્ષક નયનાબેન બ્રહ્મભટ્ટે શાળાના તમામ વિધાર્થીઓને સ્વેટરનું દાન કર્યું હતું.           શિક્ષણની ગુણવત્તા સુધારણા સંદર્ભે  વર્ષ ૨૦૨૨-૨૩ ના દ્વિતીય સત્ર દરમ્યાન સમગ્ર કલસ્ટરમાં ઉત્તમ શૈક્ષણિક કાર્ય, શાળાકીય સહઅભ્યાસિક પ્રવૃત્તિ, નાવીન્યપૂર્ણ પ્રયોગો, સામાજિક ક્ષેત્ર વગેરેમાં ઉત્સાહપૂર્વક સક્રિય યોગદાન આપવા માટે સરકારી પ્રાથમિક શાળા, સેક્ટર 16 ના આચાર્ય શ્રી અરુણભાઈ ડાહ્યાભાઈ પટેલને પ્રતિભાશાળી શિક્ષક પ્રમાણપત્ર આપી પ્રોત્સાહિત કરવામાં આવ્યા હતા.