સચિનનાં લોકપ્રિય બાબુભાઈ મેલેરીયા (પટેલ)ના ૮૦ જન્મ દિન નિમિત્તે પ્રજાપંખ પરિવાર દ્વારા શુભેચ્છા

પ્રજાપંખ સચિન: આજના સત્ય સાંઈ આરાધનાના પવિત્ર દિને પ્રમુખ નિસ્વાર્થ માનવ સેવા ટ્રસ્ટ અને સિનિયર સિટીઝન વેલફેર કલબ સચિન તથા અન્ય સંસ્થાઓ સાથે જોડાયેલા સ્થાનિકોમાં લોકપ્રિય એવા બાબુભાઈ પટેલ મેલેરિયાના જન્મ દિન નિમિત્તે સમગ્ર જૈન સમાજ દ્વારા રક્તદાન કેમ્પનું આયોજન હાથ ધરાયું હતું. આજે મીની મેળા જેવી ભીડ રક્તદાનમાં ઉમટી પડી હતી. યાદ રહે બાબુભાઈ મેલેરિયાએ આજદિન સુધી અંદાજિત ૨૦૦૬ થી ૧૩૬ જેટલા કેમ્પ કર્યાં અને ૧૦૯૧૦ રક્તદાન યુનિટ ભેગા કરી બ્લડ બેંકને આપી અપાવી ૪૨૩૦ દર્દીઓને રક્તની જરૂરિયાત પૂરી પાડી આમ અનેકોના ઘરના દીપક અને ભગિનીઓને જીવન આપ્યું છે. ૧૦ ચક્ષુ દાન કરાવ્યા અને આ ઉપરાંત ૨૦૧૧ અને ૨૦૧૫ માં સર્વજ્ઞાતી લગ્નમાં કુલ ૨૨ જોડાના ઘર સંસાર વસાવ્યા અને દરેકને કરિયાવરમાં ૭૦ હજારની ભેટો આપી છે જે એમની એક અનોખી સિદ્ધિ ગણાય છે, જે માટે બાબુભાઇને અનેકો એવોર્ડથી સમાજે અને બ્લડ બેંકોએ નવાજ્યા પણ છે. આજે કોરોના બાદ રક્તની ઘટ ભારતમાં જ નહિ સમગ્ર વિશ્વમાં થઈ રહી છે. જેના અનુસંધાને ભગવાન મહાવીર સ્વામી જન્મ કલ્યાણ મહોત્સવ તથા નિસ્વાર્થ માનવ સેવા સમિતિ દ્વારા ખાસ શ્રી બાબુભાઈના જન્મ દીને સમગ્ર જૈન સમાજના સહકાર દ્વારા રક્તદાન શિબિરનું આયોજન સચિનના રંગવધૂત ૩, ખાતેના સ્થાનકવાસી સંઘ ભવન ખાતે આયોજિત કરાયું હતું જે પ્રસંગે આજે સવારે તેમનું વિવિધ સંસ્થાઓ થકી જાહેર સન્માન કરાયું છે. જો કે એક માસમાં ત્રણ જગ્યાએ રક્તદાન કેમ્પ થયા છતાં આજે ૫૧ જેટલા ભાઈ બહેઓએ રક્ત દાન કરી દેશ પ્રત્યેની ફરજ નિભાવી ચૂક્યા છે. જૈન સમાજ દ્વારા દરેક બ્લડ ડોનરને બોલપેન અને વોટર બેક ભેટ અપાઇ હતી અને સુરત રક્તદાન કેન્દ્ર દ્વારા પ્રમાણ પત્ર એનાયત કરાયા હતાં, આજે જન્મ દિન નિમિત્તે બાબુભાઇનું સચિન ખાતેના વેલ્ફેર સિનિયર સિટીઝન કલબ, સૌરાષ્ટ્ર સિનિયર સિટીઝન કલબ, પ્રેસ મીડિયા સંગઠન સચિન, રોટરી કોમ્યુનિટી કોર્પ્સ સચિન, તમામ જૈન સમાજ પરિવાર, મહારાષ્ટ્ર મિત્ર મંડળ, ડેવલપમેન્ટ કમિટી તરફથી પુષ્પગુચ્છ અર્પણ કરી જાહેર સન્માન કરવામાં આવ્યું હતું. આજના પ્રસંગને અનુરૂપ જૈન સમાજના ખાસ સુરેશભાઈ પીછોલિયા, પવનભાઈ જૈન, છિત્રરભાઈ અને મુકેશભાઈ દેરસરિયા તથા અન્ય જૈન મિત્રોએ તથા બાબુભાઈ મેલેરિયા પરિવાર અને તમામ સિનિયર સિટીઝન કલબનાં પદાધિકારીઓ, આરસીસી સચિન, મહારાષ્ટ્ર મિત્ર મંડળ, ડેવલોપમેન્ટ કમિટીનાં પદાધિકારીઓ, ઉપરાંત પલસાણા થી પધારેલ બલબિરસિંહ અને પ્રતાપભાઈ, સનીયા હેમાદ થી પધારેલ લંગોટિયા મિત્ર મેઘાતસિંહ તથા સ્થાનિક પત્રકાર મિત્રો તથા દરેક પક્ષના નેતાઓ સદસ્યોની વિશેષ હાજરી રહી હતી. આ પ્રસંગે પ્રેસ મીડિયા સંગઠન સચિનના પ્રેસિડેન્ટ શ્રી ગણેશભાઈ સાવંતજીનો બાબુભાઈ મેલેરિયા નાં જન્મ દિવસનો ખાસ શુભેચ્છા સંદેશ પણ પ્રકાશ ભાવસારે રૂબરૂ આપ્યો હતો અને હાલમાં ૫૧ યુનિટ રક્ત યુનિટ એકત્ર થયું છે આજનું રક્ત સુરત રક્તદાન કેન્દ્ર ને ફાળે જશે અંતે બાબુભાઈ મેલેરિયા એ સહુનો આભાર માન્યો હતો.