સુરતમાં હવે તમારે કોઈ ગુનાની FIR નોંધાવવી હોય તો પોલીસ સ્ટેશન જવાની જરૂર નથી....

આર સી સી સચિન દ્વારા યોજાયેલ નેત્ર યજ્ઞ શિબિરના ઉદઘાટન પ્રસંગમાં

મદદનીશ પોલીસ કમિશ્નરશ્રી આર. એલ. માવાણી એ જણાવ્યું કે, હવે આજના ટેક્નોલોજી યુગમાં ગુજરાત પોલીસને પણ હાઈ ટેક ટેકનોલોજીથી સુસજ્જ કરવામાં આવી છે. વધુમાં સમજાવ્યું કે પ્રજા લક્ષી FRI નો ટેકનોલોજીમાં ઉપયોગ કેમ કરશો. : મદદનીશ પોલીસ કમિશનરશ્રી આર. એલ. માવાણી

સચિન પ્રજા પંખ : ગત રોજ આર સી સી સચિન દ્વારા નેત્ર કેમ્પમાં ઉદઘાટન પ્રસંગે લોકોને સંબોધન કરતાં મદદનીશ પોલીસ કમિશનરશ્રી આર. એલ. માવાણી એ જણાવ્યું કે, હવે આપ લોકોએ વાહન ચોરી કે અન્ય ઘર કંકાસની ફરિયાદ નોંધાવવા પોલીસ મથકે ધક્કા ખાવા નહીં પડે. ગુજરાત પોલીસ વિભાગે લોન્ચ કરેલી એપમાં હવે આપ ઓનલાઈન ફરિયાદ નોંધાવી શકો છો. સુરત શહેર અને જિલ્લામાં કે પછી ગુજરાતમાં મોબાઈલ દ્વારા આપ એફ આઇ આર નોંધાવી શકો છો. એમણે કહ્યું કે, ગુજરાત રાજ્ય સરકાર દ્રારા ટેકનોલોજીના યુગમાં ગુજરાત પોલીસ પણ અતિ અત્યાધુનિકરણ માં આવી ગઈ છે. આ ટેકનોલોજી રાજ્યના નાગરિકોની સલામતી અને સુરક્ષા માટે સક્ષમ બને તે આશયથી રાજ્યમાં પોલીસની કામગીરીઓને ઓનલાઈન કરવા સરકારે પોલીસ ઈ-ગુજકોપ પ્રોજેક્ટની શરૂઆત કરી છે. જેના ભાગરૂપે વાહનચોરી અને મોબાઈલ ચોરી જેવી ફરિયાદમાં સામાન્ય નાગરિકોએ પોલીસ સ્ટેશન ધક્કા ન ખાવા પડે તે માટે ગુજરાત સરકારે ઓનલાઈન સેવાઓમાં વધુ એક સેવાનો ઉમેરો કરીને ઝડપી સેવાનો પ્રારંભ કર્યો છે. સુરત શહેર અને જિલ્લામાં જન જાગૃતિ આવે એ માટે માવાણી જી એ નેત્ર યજ્ઞ સમાહારોમાં મોટી સંખ્યામાં પધારેલ સચિન અને આજુબાજુના ગામોના યુવાનો અને નાગરિકોને જણાવ્યું હતું .

સુરત પોલીસ દ્વારા તમામ નાગરિકોમાં જાગૃતિ આવે અને વધુમાં વધુ લોકો આ એપ નો ઉપયોગ કરે એ માટે એમણે સમજાવ્યું હતું. આ પ્રસંગે સચિન પોલીસ સ્ટેશન પી.આઇ. આર આર દેસાઇ અને પોલીસ પરિવાર, ગામના સરપંચશ્રીઓ, આરસીસી સદસ્યો તથા અન્ય અગ્રણીઓ પણ ઉપસ્થિત રહ્યા હતાં.